Myndir - Apríl

Apríl 2008

Jæja, þá er litla stelpan okkar orðin 15 mánaða. Ótrúlegt hvað tíminn líður hratt. Erna Sólveig er alveg afskaplega dugleg og þægileg stelpa. Er dugleg að dunda sér sjálf að leik, sofnar sjálf í vagninum sínum á daginn og í sínu herbergi á kvöldin. Hún er hins vegar vel ákveðin og veit alveg hvað hún vill, en það er bara gott að láta ekkert vaða yfir sig :) Það er líka alveg ótrúlegt hvað svona lítil kríli skilja mikið. Hún veit t.d. alveg hvað á að gera við lykla. Ef hún finnur þá fer hún beint að útidyrahurðinni og beinir þeim að skráargatinu, hún ætlar út! Hún er líka orðin voða dugleg að benda á það sem við segjum henni, s.s. mömmu, pabba, dótabílinn og nefið sitt. Erna Sólveig fær stundum að horfa á Söngvaborg í sjónvarpinu (pabba hennar til mikillar gleiði). Núna er hún farin að suða um að vera sett í stólinn fyrir framan sjónvarpið og hættir ekki fyrr en diskurinn er settur í. Alveg með það á hreinu hvað hún vill gera. Annars gengur bara vel hjá stelpunni, hún er reyndar búin að vera dálítið mikið lasin og er á leið í nefkirtlatöku eftir helgina. En það verður vonandi bara allt betra með hækkandi sól.
Kveðja,
Mamma og Erna Sólveig